ონკოლოგიური დღის სტაციონარი უზრუნველყოფს ონკოლოგიური პაციენტებისთვის თანამედროვე, უსაფრთხო და კომფორტულ გარემოში მკურნალობის ჩატარებას, ჰოსპიტალიზაციის გარეშე. პაციენტი იღებს საჭირო თერაპიას დღის განმავლობაში და იმავე დღეს ბრუნდება სახლში.

კლინიკის ონკოლოგიის დეპარტამენტში პაციენტებისთვის ხელმისაწვდომია თანამედროვე ონკოლოგიური მომსახურება და მკურნალობის სრული სპექტრი. მომსახურება ხორციელდება როგორც ინდივიდუალური მკურნალობის გეგმის, ისე სახელმწიფო პროგრამების ფარგლებში.

ონკოლოგიური მიმართულებით მოქმედებს საყოველთაო ჯანმრთელობის დაცვის სახელმწიფო პროგრამა, რომლის სერვისებით სარგებლობა შეუძლია საქართველოს ყველა მოქალაქეს. პროგრამა პაციენტებს აძლევს შესაძლებლობას მიიღონ საჭირო ონკოლოგიური მკურნალობა ხელმისაწვდომ პირობებში.

ონკოლოგიის დეპარტამენტში ხორციელდება:
• ქიმიოთერაპია
• იმუნოთერაპია
• ჰორმონოთერაპია
• ტრანსფუზიური მომსახურება

მკურნალობის პროცესი მიმდინარეობს გამოცდილი ონკოლოგებისა და კვალიფიციური მედპერსონალის მუდმივი მეთვალყურეობის ქვეშ, უსაფრთხო და კომფორტულ გარემოში. თითოეული პაციენტისთვის მკურნალობა იგეგმება ინდივიდუალურად, თანამედროვე საერთაშორისო სტანდარტების შესაბამისად.