დეპარტამენტის საქმიანობა ეფუძნება საერთაშორისო კლინიკურ გაიდლაინებსა და მტკიცებულებებზე დაფუძნებული მედიცინის პრინციპებს. პაციენტზე ორიენტირებული მიდგომა უზრუნველყოფს როგორც პრევენციული, ისე
სამკურნალო სერვისების ინდივიდუალურად დაგეგმვას.

ძირითადი სერვისები
ავთვისებიანი და კეთილთვისებიანი სიმსივნეების დიაგნოსტიკა
ონკოლოგიური დაავადებების სკრინინგი
სიმსივნური პროცესების ეტაპის (სტადიის) შეფასება
კომპლექსური მკურნალობა, მათ შორის:
ქიმიოთერაპია
ენდოკრინული თერაპია
იმუნოთერაპია
ტარგეტული თერაპია
მკურნალობის პროცესის მონიტორინგი და გვერდითი მოვლენების მართვა
მკურნალობის შემდგომი გრძელვადიანი მეთვალყურეობა

დიაგნოსტიკა და პრევენცია

დროული სკრინინგი და რეგულარული პროფილაქტიკური კვლევები მნიშვნელოვნად ზრდის წარმატებული მკურნალობის შესაძლებლობას, აუმჯობესებს პროგნოზს და ამცირებს გართულებების რისკს. კლინიკა უზრუნველყოფს
თანამედროვე დიაგნოსტიკურ მეთოდებს, რაც იძლევა დაავადების ადრეულ ეტაპზე გამოვლენის შესაძლებლობას, ხშირად სიმპტომების განვითარებამდე.

მულტიდისციპლინური მიდგომა

ონკოლოგიის დეპარტამენტი ფუნქციონირებს მულტიდისციპლინური მოდელით, რაც გულისხმობს სხვადასხვა სპეციალისტის კოორდინირებულ ჩართულობას პაციენტის მართვის პროცესში. თითოეული პაციენტისთვის მუშავდება ინდივიდუალური სამკურნალო გეგმა, რომელიც ხორციელდება თანამედროვე პროტოკოლების დაცვით, უსაფრთხოების მაღალი სტანდარტების უზრუნველყოფითა და მკურნალობის ეფექტურობის უწყვეტი მონიტორინგით.

პაციენტზე ზრუნვა

დეპარტამენტის მიზანია არა მხოლოდ დაავადების მართვა, არამედ პაციენტის ფიზიკური და ემოციური მდგომარეობის მაქსიმალური მხარდაჭერა მკურნალობის ყველა ეტაპზე.

უნდა აღინიშნოს, რომ ონკოლოგიური დაავადებების მნიშვნელოვანი ნაწილი საწყის ეტაპზე შესაძლოა უსიმპტომოდ ან მინიმალური კლინიკური გამოვლინებებით მიმდინარეობდეს. სწორედ ამიტომ, დროული დიაგნოსტიკა, პრევენციული კვლევები და სპეციალისტთან რეგულარული კონსულტაცია მნიშვნელოვან როლს ასრულებს დაავადების ადრეულ აღმოჩენასა და სიცოცხლის ხარისხის შენარჩუნებაში.

ჩვენ სრულად ვაცნობიერებთ, რომ ონკოლოგიური დიაგნოზი რთული გამოცდილებაა როგორც პაციენტისთვის, ისე მისი ოჯახისათვის. შესაბამისად, ჩვენი გუნდი უზრუნველყოფს არა მხოლოდ მაღალხარისხიან სამედიცინო მომსახურებას, არამედ მხარდაჭერას, თანადგომასა და ყურადღებას მკურნალობის მთელი პროცესის განმავლობაში.

დენსიტომეტრია

დენსიტომეტრია

ექიმები

დენსიტომეტრია

დენსიტომეტრია

ექიმები